У Грэцыі з 1 студзеня 2018 года будуць спаганяць падатак з турыстаў.
Сума падатку будзе рознай, у залежнасці ад таго, дзе спыніўся вандроўнік. Больш за ўсё давядзецца заплаціць пастаяльцам пяцізоркавых гасцініц — 4 еўра за нумар за адну ноч. Кліенты гатэляў з чатырма зоркамі аддадуць 3 еўра за ноч, з трыма зоркамі — 1,5 еўра. Менш за ўсё заплацяць пастаяльцы гатэляў з адной і дзвюма зоркамі - 0,5 еўра.
Акрамя таго, размяшчэнне ў трохпакаёвых апартаментах будзе каштаваць 0,5 еўра за ноч. Тым, хто спыніцца на адпачынак у чатырохпакаёвых апартаментах ці кватэры, трэба будзе заплаціць 1 еўра.
Падатак будзе спаганяцца з усіх падарожнікаў — і арганізаваных і самастойных, незалежна ад сезону.
Дадзены збор з'яўляецца часткай пакета мер жорсткай эканоміі, прынятага парламентам Грэцыі.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары