Пра неабходнасць «поўнай канцэнтрацыі на выступленні і засяроджанасці на максімальны вынік» ішла размова на працоўным сходзе беларускай алімпійскай дэлегацыі ў Рыа-дэ-Жанейра, паведаміла 10 жніўня прэс-служба Нацыянальнага алімпійскага камітэта.
Нараду правялі першы віцэ-прэзідэнт НАК Максім Рыжанкоў і міністр спорту і турызму Аляксандр Шамко.
«Кіраўнікамі спартыўнай галіны была дадзена як крытычная ацэнка бягучым вынікам спартсменаў, так і адзначаны пазітыўныя моманты. Перад кожным з атлетаў пастаўлены канкрэтныя задачы па наступных выступленнях», — гаворыцца ў паведамленні.
Паводле інфармацыі НАК, у штабе адбыўся малебен «за ўсіх беларускіх спартсменаў, якія выступаюць на Алімпіядзе-2016». Набажэнства правёў настаяцель храма Святой пакутніцы Зінаіды айцец Сергій (прыход Рускай праваслаўнай царквы Маскоўскага патрыярхату ў Рыа-дэ-Жанейра).
За чатыры працоўныя дні XXXI летніх Алімпійскіх гульняў, 6—9 жніўня, разыграна 55 камплектаў узнагарод, якія дасталіся спартсменам 47 краін. Прадстаўнікоў Беларусі сярод іх няма.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары