Найбуйнейшае ў свеце паветранае судна ўпала падчас тэставага палёту ВІДЭА
Самы вялікі ў свеце лятальны апарат Airlander 10 атрымаў пашкоджанні падчас выпрабавальнага палёту ў Англіі пасля таго, як на невялікай вышыні зваліўся ў піке і стукнуўся аб зямлю.
Як паведамляе брытанская фірма Hybrid Air Vehicles, якая стварыла Airlander 10, ніхто ў выніку інцыдэнту не пацярпеў. Кабіна пілотаў атрымала пашкоджанні, але самі яны цэлыя.
Першапачаткова паведамлялася, што самалёт-дырыжабль зачапіўся за тэлеграфны слуп, аднак кампанія-стваральнік лятальнага апарата гэта адмаўляе. Паводле яе даных, да моманту пасадкі палёт праходзіў спакойна.
Першы палёт Airlander 10 адбыўся на мінулым тыдні і прайшоў паспяхова.
Даўжыня паветранага судна, якое сумяшчае ў сабе канструкцыі, характэрныя для самалёта і для дырыжабля, на восем метраў даўжэй за самы вялікі ў свеце самалёт — Ан-224 «Мрія».
Вага апарата складае 20 тон. Яго распрацоўшчыкі сцвярджаюць, што ён зможа падняцца на вышыню ў шэсць кіламетраў і разагнацца да 148 кіламетраў у гадзіну.
Airlander першапачаткова распрацоўваўся як выведвальны лятальны апарат для ўрада ЗША, але праект быў замарожаны з-за скарачэння абаронных выдаткаў.
-
Боты OpenAI атакуюць Вікіпедыю і выпрабоўваюць яе сістэмы бяспекі. Распрацоўшчыкаў ШІ абвінавацілі ў тэхнічным шкодніцтве
-
Як беларускія лазеры дапамаглі даследаванням, за якія сёлета ўручылі Нобелеўскую прэмію па медыцыне
-
Сучасныя метады судовай экспертызы паказалі: першыя цары Егіпта маглі адпраўляцца ў замагільны свет не адны
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары