У Мінску з 1 верасня адкрываецца рух транспарту па вул. К.Цэткін ад вул. Няміга да вул. Кальварыйскай. Такая інфармацыя размешчаная на сайце дзяржаўнай установы «Сталічны транспарт і сувязь».
З гэтага перыяду ўводзіцца новая схема арганізацыі руху на скрыжаванні вул. К.Цэткін — Няміга — прасп. Дзяржынскага. У сувязі з гэтым уносяцца змяненні ў работу гарадскога пасажырскага транспарту:
— аднаўляецца работа тралейбусных маршрутаў нумароў 4, 7, 44, 58, аўтобусных маршрутаў нумароў 46, 78, 151Э па пастаянных трасах з рухам праз вул. К.Цэткін;
— адмяняецца работа часовых аўтобусных маршрутаў нумароў 923, 944, 958;
— выкананне прыпыначнага пункта «М.Танка» для тралейбусных маршрутаў нумароў 4, 7, 44, 58, аўтобусных маршрутаў нумароў 46, 78 у кірунку вакзала часова пераносіцца наперад на новую ўладкаваную пляцоўку за скрыжаваннем з вул. Караля;
— пераносіцца выкананне прыпыначнага пункта «Музычны тэатр» для тралейбусных маршрутаў нумароў 12, 40, 53, аўтобусных маршрутаў нумароў 23, 57, 74С пры руху ў кірунку вул. Шчорса на ранейшае месца на прасп. Дзяржынскага (за пл. Ф.Багушэвіча);
— аднаўляецца выкананне прыпыначнага пункта «Музычны тэатр» пры руху з боку вакзала для тралейбуснага маршруту нумар 36 (на прасп. Дзяржынскага), аўтобуснага маршруту нумар 151Э (на вул. К.Цэткін).
Пасажырам, якія маюць шматразовыя праязныя дакументы на аўтобус, прадастаўляецца права праезду без дадатковай аплаты ў тралейбусах маршрутаў нумароў 4, 7, 44, 58 на ўчастках, якія дубліруюцца, да 1 кастрычніка.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары