Мікалай Лазавік вызвалены ад пасады сакратара Цэнтральнай камісіі па выбарах і правядзенні рэспубліканскіх рэферэндумаў у сувязі з выхадам у адстаўку. Адпаведны ўказ Аляксандр Лукашэнка падпісаў 17 кастрычніка, паведамілі ў прэс-службе беларускага лідара.
У прыёмнай старшыні ЦВК БелаПАН паведамілі, што ў камісіі пакуль ніякіх каментарыяў у сувязі з кадравым рашэннем Лукашэнкі не даюць, але адзначылі, што Лазавіка на працы ўжо не будзе.
Алімпіяда Лазавік, жонка экс-сакратара ЦВК, паведаміла, што сам ён не можа даць каментарый у сувязі з хваробай. «Рашэнне прынятае з-за хваробы. І тэрмін падышоў — хутка Цэнтрвыбаркам будзе пераабірацца», — адзначыла яна.
Мікалай Лазавік займаў пасаду сакратара ЦВК з 2000 года. З 2006 па 2015 гады знаходзіўся ў спісе асобаў, якім быў забаронены ўезд у ЕС у межах санкцый.
Лазавік нарадзіўся ў 1951 годзе ў вёсцы Невіняны Вілейскага раёна Мінскай вобласці. У 1972 годзе скончыў Беларускі інстытут механізацыі сельскай гаспадаркі, у 1993 годзе — Беларускі дзяржаўны ўніверсітэт, у 2000 годзе — Акадэмію кіравання пры прэзідэнце, у 2003 годзе — аспірантуру пры Акадэміі кіравання. Кандыдат эканамічных навук.
З`яўляўся дэпутатам Вярхоўнага савета Беларусі 13-га склікання, уваходзіў у камісію па дзяржаўным будаўніцтве і мясцовым самакіраванні. У 1996 годзе паставіў подпіс за імпічмент у дачыненні да Аляксандра Лукашэнкі, але затым адклікаў подпіс і пасля канстытуцыйнага рэферэндуму аб пашырэнні паўнамоцтваў прэзідэнта перайшоў у Палату прадстаўнікоў першага склікання.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары