Брытанская карпарацыя BAE Systems прадэманстравала ўчора публіцы першы экзэмпляр Браніраванай шматмэтавай машыны (Armored Multi-Purpose Vehicle — AMPV), якая будзе асноўным бронетранспарцёрам Сухапутных войскаў ЗША, паведаміў сайт breakingdefense.com.
Новая машына заменіць БТР М113, які быў прыняты яшчэ ў 1960 годзе. Цяпер армія выкарыстоўвае амаль 3000 М113 у розных мадыфікацыях.
AMPV таксама будзе вырабляцца ў некалькіх варыянтах, гэта будуць: класічны БТР, машына для эвакуацыі з поля бою, машына—мабільны браніраваны медычны пункт, мабільны мінамётны транспарцёр, мабільны камандны пункт.
Габарыты AMPV значна большыя, чым у папярэдняй машыны, а ўнутраны аб'ём — на 78% большы. Пры гэтым AMPV адрозніваецца лепшай бранёй.
Фактычна AMPV — наступная стадыя эвалюцыі БМП Bradley, без вежы з аўтаматычнай гарматай, затое з лепшай мабільнасцю і абараназдольнасцю.
«Сямейства AMPV ліквідуе важныя недахопы сучасных Брыгадных бранятанкавых баявых груп у сферах абароненасці, здольнасці выжываць і мабільнасці», — адзначаў у свой час брыгадны генерал Дэвід Бэсет, кіраўнік праграм распрацоўкі наземных баявых сістэм.
Перш за ўсё новыя БТР будуць накіраваныя ў амерыканскія танкавыя брыгадныя групы, СМІ адзначалі, што новая добра абароненая бранятэхніка — якраз тое, чаго патрабуе супрацьстаянне з Расіяй у Еўропе.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома11
Каментары