У Мінску пачалі спаганяць плату за паркоўку ў раёне бульвара Мулявіна і дома №40 па вул. Няміга, паведамілі БЕЛТА ў дзяржаўнай установе «Паркоўкі сталіцы».
Новыя зоны платнай паркоўкі спачатку эксплуатаваліся ў тэставым рэжыме, а з 20 лютага перайшлі на штатны рэжым працы. Па вул. Няміга створана 60 машынамесцаў, па бульвары Мулявіна — 111 (па абодва бакі ад пр. Незалежнасці да вул. Залатая горка) і 88 (па абодва бакі ад вул. Залатая горка да пр. Незалежнасці), у раёне вул. Гікалы,4 і бул. Мулявіна, 5 — 46 месцаў. Паркоўкі працуюць у буднія дні з 8.00 да 18.00 (да 20.00 у раёне вул. Няміга), субота і нядзелю выхадны.
Платная паркоўка па пр. Дзяржынскага, 1 у сувязі з будаўніцтвам трэцяй лініі метрапалітэна з 1 сакавіка спыняе працу.
Як паведамлялася, у сталіцы распрацаваны план развіцця платных парковак, які складаецца з некалькіх этапаў. Першы этап прадугледжваў стварэнне каля 2 тысяч парковачных месцаў у цэнтральнай частцы горада (у раёне вул. Гарадскі Вал, Няміга, Бабруйская, Кірава, Леніна, Свярдлова, эксперыментальная зона на вул. Талбухіна ў раёне завода «Прамень» і інш.). У 2017 годзе колькасць платных парковачных месцаў плануецца павялічыць да 8 тысяч. У асноўным яны будуць размяшчацца на вулічна-дарожнай сетцы.
Плата за паркоўку служыць эканамічным інструментам упарадкавання кіравання транспартным патокам і дазваляе знізіць транспартную і экалагічную нагрузку на цэнтральную частку горада, стымуляваць абарот найбольш дэфіцытных парковачных месцаў, павялічыць даходную частку бюджэту.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары