23 лютага ў цэнтры Львова адбылася масавая бойка паміж беларускімі турыстамі і мясцовымі жыхарамі. Пра гэта паведамляе freesmi.by са спасылкай на прэс-службу паліцыі Украіны.
Інцыдэнт адбыўся каля гадзіны ночы на праспекце Чарнавіла. У бойцы ўдзельнічалі каля дзесяці чалавек — жыхары Львова і грамадзяне Беларусі. Прычынай стаў слоўны канфлікт. У выніку траім беларусам спатрэбілася дапамога медыкаў.
Сведкі распавялі, што беларускія турысты вярталіся ў гасцініцу «Львоў». Яны размаўлялі на рускай мове. Гэта не спадабалася ўкраінцам, якія назваліся нацыяналістамі. Па словах відавочцаў, ля гатэля стаяў аўтобус, які прыехаў з Кіева з удзельнікамі Маршу Годнасці.
У дачыненні да 31-гадовага жыхара Львова паліцыя склала пратакол за дробнае хуліганства. Хлопец быў агрэсіўны і лаяўся. Турысты з Беларусі знаходзіліся ў стане алкагольнага ап'янення, шумелі і не рэагавалі на заўвагі.
Паліцыя Львова распачала крымінальную справу (наўмыснае лёгкае цялеснае пашкоджанне), праводзіцца дасудовае расследаванне.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах10
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары