«Крыніца» пацвердзіла супрацоўніцтва з кампаніяй «Майстар-Торг», якое пастаўляе тавары ў ДНР і ЛНР
Найбуйнейшы імпарцёр прадуктаў харчавання ў самаабвешчаныя Данецкую і Луганскую народныя рэспублікі кампанія «Майстар-Торг» разлівае піва пад уласнай гандлёвай маркай на мінскім заводзе «Крыніца». Пра гэта tut.by паведаміў 1 мая.
«Піва «Юзбір» выпускаецца паводле ДАСТа на вытворчых магутнасцях ў Рэспубліцы Беларусь. Якасць прадукцыі на ўсіх этапах кантралюецца дзяржавай. У 2010 годзе завод быў цалкам перааснашчаны і на дадзены момант валодае самым сучасным піваварным абсталяваннем», гаворыцца на сайце «Майстар-гандаль». Як даведаўся tut.by, гаворка ідзе пра мінскі піўзавод «Крыніца». Разліў «Юзбіра» быў наладжаны ў лютым, вынікае з анонсу ў сацсетках.
На сайце «Майстар-Торгу» гаворыцца, што марка «Юзбір» атрымала сваю назву ў гонар півавараў дарэвалюцыйнага Данбаса. У аснове тэхналогіі падрыхтоўкі «Юзбір» ляжыць класічная рэцэптура таго самага Юзаўскага піва.
Кампанія «Майстар-Торг» — найбуйнейшы імпарцёр тавараў масавага спажывання з Расіі і Беларусі ў ДНР і ЛНР.
Начальнік аддзела маркетынга «Крыніцы» Сяргей Рашэтнікаў пацвердзіў інфармацыю аб тым, што піва «Юзбір» разліваецца на мінскім бровары «Крыніца». Для таго, каб высветліць куды менавіта адпраўляецца піва на экспарт, нас перанакіравалі ва ўпраўленне знешнеэканамічнай дзейнасці. Атрымаць адказ ад іх так і не ўдалося.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6767
Каментары