Фестываль вулічнай ежы разгорнецца каля Палаца спорту 10 чэрвеня, паведамілі агенцтву «Мінск-Навіны» ў Галоўным упраўленні спажывецкага рынку Мінгарвыканкама.
Жыхары і госці сталіцы змогуць пакаштаваць стравы кухняў народаў свету. Фудкорты пацешаць разнастайнымі прысмакамі. Акрамя традыцыйных шаурмы і шашлыка прапануюць фалафелі, бургеры, плоў, мяса на грылі, вараных ракаў, сушы… Не абыдзецца і без дэсертаў: вафлі, пірожныя, марозіва…
«Пагрузіцца ў атмасферу вулічнай культуры дапамогуць неардынарныя вулічныя артысты. З 12:00 да 19:00 будзе працаваць дзіцячы гарадок з майстар-класамі ад развіваючых клубаў, пляцоўка з міні-атракцыёнамі, пройдуць паказы мод і прычосак, конкурсы. Аматары здаровага ладу жыцця змогуць пазаймацца шэйпінгам, паўдзельнічаць у спаборніцтвах па армрэстлінгу, гіравым спорце», — распавялі ў ГУСР.
Праграма будзе доўжыцца з 10:00 да 22:00.
Каментары