Адзін чалавек пацярпеў у выніку нападу мужчыны з нажом у цэнтры Мінска, паведамілі Sputnik у сераду ў ГУУС Мінгарвыканкама.
Інцыдэнт адбыўся на адной з вуліц Цэнтральнага раёна беларускай сталіцы. Паводле інфармацыі міліцыі, 25-гадовы мінчук пасля слоўнай сваркі напаў на двух мінакоў з нажом.
«Аднаму зламыснік глыбока парэзаў руку, другога — ударыў», — сказалі ў ГУУС.
У прэс-службе таксама адзначылі, што адзін з апанентаў агрэсіўнага мінчука здолеў аказаць яму актыўны супраціў да прыбыцця на месца здарэння байцоў АМАПа. Супрацоўнікі міліцыі затрымалі нападніка, пацярпелым медыкі хуткай аказалі неабходную дапамогу.
Цэнтральны РУУС Мінска ў дачыненні да маладога чалавека распачаў крымінальную справу па ч. 3 арт. 339 Крымінальнага кодэкса Беларусі (хуліганства), за нажавы бой яму ў якасці максімальнага пакарання пагражае да дзесяці гадоў пазбаўлення волі.
Каментары