Федэральная служба па ветэрынарным і фітасанітарным наглядзе РФ (Рассельгаснагляд) зняла ўведзенае напярэдадні часовае абмежаванне на ўвоз прадукцыі трох беларускіх прадпрыемстваў, у тым ліку і «Савушкава прадукта», паведамляецца на сайце ведамства.
«Федэральная служба па ветэрынарным і фітасанітарным наглядзе з улікам праведзеных перамоваў з беларускім бокам, а таксама гарантый намесніка міністра сельскай гаспадаркі і харчавання Рэспублікі Беларусь - дырэктара дэпартамента ветэрынарнага і харчовага нагляду А.М. Субоціна аднаўляе права паставак на тэрыторыю Расіі прадукцыі беларускіх прадпрыемстваў:
ААТ «Малочныя горкі»,
ААТ «Рагачоўскі МКК»,
ААТ «Савушкін прадукт»,
- гаворыцца ў паведамленні.
Учора «Рассельгаснагляд» паведаміў, што ад 18 жніўня ўводзяцца абмежаванні на пастаўкі ў Расію прадукцыі беларускага мяснога прадпрыемства ААТ «Вітконпрадукт» і трох малочных, у тым ліку «Савушкавага прадукта», «у сувязі з паўторным выяўленнямі парушэнняў ветэрынарна-санітарных патрабаванняў ЕАЭС і РФ».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары