У інтэрв'ю з карэспандэнтам газеты El Pais Марыяна Рахою было зададзена пытанне, ці гатовы ён скарыстацца правам выкарыстоўваць артыкул 155 Канстытуцыі Іспаніі, які дазваляе распускаць рэгіянальныя ўрады. На гэта прэм'ер-міністр адказаў, што не выключае ніякіх магчымасцяў у рамках дзеючага заканадаўства, піша rbc.ru.
«У ідэале хацелася б пазбегнуць крайніх рашэнняў. Але для гэтага трэба, каб сітуацыя змянілася», - падкрэсліў Рахой.
Па словах кіраўніка іспанскага ўрада, улады Каталоніі павінны адмяніць вынікі рэферэндуму, па выніках якога яны абвясцілі пра намер аб'явіць незалежнасць рэгіёна. Паводле яго слоў, ужо відавочна, што чым далей сітуацыя будзе заставацца нявызначанай, тым будзе горш для ўсіх.
Рахой падкрэсліў, што не мае намеру весці перамовы пад пагрозай шантажу з боку каталонскіх уладаў. Ён таксама запэўніў, што часткі нацыянальнай паліцыі і грамадзянскай гвардыі будуць заставацца на тэрыторыі Каталоніі да таго часу, пакуль сітуацыя не супакоіцца. Пры гэтым ён падкрэсліў, што рашэнне аб іх перакідцы прымае не ўрад, а суды.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою23
Каментары