Платформа Talaka разам з парталам Onliner.by, кампаніяй velcom і групай кампаній Gurtam сёння, 29 лістапада, запускаюць нацыянальны інтэрактыўны конкурс у фармаце рэаліці-шоу #Паскарэнне.
Мэта конкурсу — натхніць гараджан на сумеснае самастойнае рашэнне прынцыповых праблем, палепшыць якасць жыцця ў гарадах і населеных пунктах Беларусі, стварыць тое, чым будзе ганарыцца краіна і на што зверне ўвагу ўвесь свет.
Палепшыць навакольную рэальнасць, стаць вядомым і выйграць галоўны прыз можа кожны беларус, калі возьме ўдзел у рэаліці-конкурсе #Паскарэнне. Арганізатары запрашаюць актыўных жыхароў Беларусі і беларусаў замежжа, якія гараць жаданнем запусціць значны праект альбо ўжо рэалізуюць яго. #Паскарэнне — гэта конкурс беларускіх праектаў у самым шырокім значэнні: ад сацыяльных і гарадскіх да прадпрымальніцкіх і тэхналагічных.
Пераможцаў чакае прызавы фонд у памеры 4000 рублёў і спецыяльныя падарункі ад партнёраў конкурсу.
У намінацыі velcom «Камфорт» удзельнікаў чакае падарунак — сучасны смартфон з падлучаным аднайменным тарыфным планам. Крытэрыем ацэнкі ў намінацыі будзе ўвага праектаў да камфортных пераменаў у жыцці беларусаў, як гэта робяць тарыфы лінейкі «Камфорт».
Кампанія Gurtam падорыць пераможцу намінацыі «Праект будучыні» модны і карысны гаджэт — смарт-гадзіннік.
Удзельнікі пройдуць усе этапы рэалізацыі праекта: ад крэатыўнай ідэі да яе поўнага ўвасаблення. Усе стадыі конкурсу будуць штотыдзень асвятляцца ў рэжыме рэаліці-шоу.
Для ўдзелу неабходна зарэгістравацца на платформе Talaka і з 29 лістапада па 11 снежня ўключна дадаць сваю ідэю праз спецыяльную форму на сайце. Сам конкурс будзе доўжыцца аж да 4 лютага. За гэты час ідэя павінна быць увасоблена ў жыццё або прынамсі мусіць з'явіцца прататып праекта, які можна будзе прадэманстраваць гледачам.
Азнаёміцца з падрабязнымі правіламі #Паскарэння можна на сайце.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары