У Беларусі з'явіўся яшчэ адзін уладальнік «Срэбнай кнопкі» ад YouTube. Такую ўзнагароду адміністрацыя сэрвісу уручае тым, хто змог сабраць 100 тысяч падпісчыкаў, паведамляе Tut.by.
На канал 39-гадовага Паўла з Воршы «The road to the film» падпісаліся ўжо больш за 127 тысяч чалавек. Некаторыя з яго ролікаў паглядзела звыш мільёна гледачоў. У чым сакрэт такога поспеху, відэаблогер не ведае, пра заробак кажа мімаходзь: «Ёсць прагляды, ёсць грошы».
Рабіць ролікі мужчына пачаў год таму, яшчэ раней у яго з'явілася жаданне — зняць свой фільм. Магчыма, кажа, так сыдуцца зоркі, што гэты канал і стане яго дарогай да кінамары.
«Калі паштальён прынес тэлеграму з паведамленнем аб пасылцы, я не адразу паверыў, што гэта кнопка, — дзеліцца эмоцыямі відэаблогер і ўспамінае, з чаго ўсё пачыналася год таму. — Памятаю, напісаў каментар пад кліпам аднаго вядомага рэп-выканаўцы. Праз нейкі час свой запіс захацелася падрэдагаваць, потым яшчэ раз. У выніку праз два тыдні замест звычайнага каментара ў мяне была гатовая гісторыя для фільма, які я хачу зняць. Але спачатку я стаў здымаць ролікі. Здымаў і ня звяртаў ні на каго ўвагі, проста рабіў тое, што мне падабаецца».
«Я пачаў здымаць у 38, каб у 60 не шкадаваць, што ў 38 не ўзяў у рукі камеру і не стаў нешта рабіць», — па-філасофску дадаў Павел.
Здымаць і мантаваць да гэтага Павел не ўмеў. Спачатку запісваў на тэлефон, пазней купіў экшн-камеру. Агульнай ідэі, якая аб'ядноўвала б усе сюжэты яго відэаблога, няма. Кажа, здымае жыццё — падарожжы, аўтаагляды і нават свае трэніроўкі.
«Першыя паўгода мой канал быў абсалютна мёртвы. Максімум набіралася падпісчыкаў 700, — успамінае Павел. — А потым людзі раптам сталі глядзець. Памятаю, як аднойчы прачнуўся, а там плюс сто новых чалавек. Праз тыдзень іх было 5000. Затым зноў усё заглухла, потым зноў ажыло», — кажа ён.
Зараз на канал Паўла падпісана больш за 127 тысяч чалавек. Восемдзесят працэнтаў з іх жывуць на тэрыторыі Расіі, астатнія — жыхары Беларусі, Украіны, Казахстана, Балгарыі. Ўзрост асноўнай часткі з іх 25-55 гадоў.
Ёсць відэа, якія паглядзела ўжо больш за мільён чалавек.
«Ролік пра тое, што наркотык-насвай — хвароба сучаснай моладзі, клікнулі ўжо каля паўтара мільёны разоў, — прыводзіць прыклад удалага відэа Павал. — Добра паглядзелі сюжэт пра дзядулю-пустэльніка, які жыве ў гарах.
Павал лічыць, што пра заробак пакуль казаць рана. Усё залежыць ад праглядаў: ёсць прагляды — ёсць грошы. Няма праглядаў — няма грошай. Але, паводле яго, калі здымаць якасны кантэнт, то за кошт YouTube можна жыць і больш нічым не займацца.
Павал кажа, што перад тым, як пачаў здымаць, ён ездзіў працаваць у Расію. «У прынцыпе, для Беларусі я дармаед», жартуе зорка You Tube.
Да Паўла срэбную кнопку атрымаў жыхар Глуска Аляксей Руды, які сабраў сто тысяч падпісчыкаў на канале «Простыя штукі».
Каментары