У Беларусі з'явяцца два варыянты электрамабіля, распавёў sb.by намеснік генеральнага дырэктара Аб'яднанага інстытута машынабудавання НАН Алег Елавы. Адзін — на базе завода «БелДжы», другі, малабюджэтны, будзе зроблены на базе самога інстытута.
— Другі варыянт — гэта, скажам, кар для садова-паркавых зон, — прыводзіць прыклад Алег Елавы. — З яго з часам можа вырасці недарагі гарадскі электрамабіль. Скажам, для сэрвісных службаў — таксі і дастаўкі, пошты. У перспектыве ён можа стаць службовым аўтамабілем арганізацый.
Плануецца, што першыя яго доследныя ўзоры будуць выпрабоўвацца у Батанічным садзе Мінска, які, дарэчы, знаходзіцца насупраць інстытута. Там будуць адпрацаваныя тэхнічныя рашэнні, звязаныя з асаблівасцямі эксплуатацыі электрамабіля, у тым ліку пытанні зарадкі батарэі. Па словах Алега Елавога, на гэтым узоры можа быць рэалізавана і іншая ідэя інстытута — аб беспілотным транспарце, паколькі электрамабіль будзе рухацца па парку па зададзеным маршруце.
Каментары