Татарстан губляе ў апошнія месяцы тое нешматлікае, што адрознівала яго ад іншых расійскіх рэгіёнаў. У 2017 годзе Масква не падоўжыла з Казанню дагавор аб размежаванні паўнамоцтваў, які даваў Татарстану вядомую аўтаномію. У мясцовых школах у разгар навучальнага года адмянілі абавязковае выкладанне татарскай мовы. Раней яе выкладалі нароўні з рускай, цяпер пакінулі толькі факультатыўныя дзве гадзіны на тыдзень. Дырэктар адной з мясцовых школ змагаецца ў судзе за тое, каб запаволіць гэты працэс выцяснення татарскай мовы, паведамляе DW.
Павел Шмакаў, дырэктар школы-інтэрната для інтэлектуальна захопленых дзяцей «Сонца» з Казані, абурыўся хуткасцю прыняцця гэтага рашэння і парушэннямі, з якімі яно, на яго думку, прымалася і звярнуўся ў суд.
Уся гісторыя пачалася ў канцы ліпеня 2017 года, калі Пуцін сказаў, што нельга прымушаць людзей вывучаць няродную мову. Затым у пачатку кастрычніка ў школы раптоўна прыйшла папера з пракуратуры, там была праведзеная праверка, прааналізаваны навучальныя планы.
На школьных сходах, якія праводзіліся ў прысутнасці пракурораў, было загадана пачаць звальненні настаўнікаў татарскай. На працягу двух месяцаў дырэктараў абавязалі звольніць настаўнікаў. Пракуроры сталі дапытваць дзяцей, навошта ім патрэбна татарская, чаму яны вучаць яе.
Пуцін прасіў не прымушаць вучыць няродную мову. Аднак чамусьці англійская мова як была абавязковай для вывучэння ў Татарстане, так такой і засталася, а пацярпелі мовы карэнных народаў Расіі.
Павел Шмакаў лічыць, што такое рашэнне можа стварыць лішнюю напружанасць паміж татарамі і рускімі на роўным месцы:
«Я лічу, што на зямлі Татарстана — гэта адзінае месца, дзе ёсць радзіма татар — нейкую колькасць гадзін усе павінны вывучаць татарскую мову».
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2222
Каментары