Расійскага інваліда без рук абвінавацілі ў спробе задушыць паліцэйскага
Бязрукі інвалід з Кабардзіна-Балкарыі Аслан Ірытаў стаў фігурантам крымінальнай справы аб прымяненні гвалту ў дачыненні да прадстаўніка ўлады (артыкул 318 КК), таму што «схапіў паліцэйскага за шыю кісцямі абедзвюх рук і здушваў пальцы рук у вобласці шыі». Пра гэта гаворыцца ў матэрыялах справы супраць Ірытава і яго брата Беслана, паведамляе «Камітэт супраць катаванняў».
Справа супраць Ірытавых распачата пяць месяцаў таму.
«Следчых па-ранейшаму не бянтэжаць сур'ёзныя разыходжанні ў паказаннях супрацоўнікаў паліцыі з відэазапісам інцыдэнту. Ёсць і проста абсурдныя высновы, што інвалід Аслан Ірытаў, у якога адсутнічаюць кісці рук, нібыта душыў імі паліцэйскага, пры гэтым сціскаючы яму шыю пальцамі. І гэтыя высновы следства дзіўным чынам задаволілі пракуратуру», — адзначыў юрыст арганізацыі Магамед Алам.
31 кастрычніка 2017 года сілавікі збілі ўсю іх сям'ю ў двары ўласнага дома ў Нальчыку. У той дзень паліцыянты ў форме і цывільным прыйшлі да іх і запатрабавалі вывесці на вуліцу гаспадара. У адказ дачка і жонка Аслана Ірытава запатрабавалі прад'явіць дакументы, а яго брат Беслан абурыўся, што піліцыянты здымалі іх двор на камеру, і паспрабаваў прагнаць. Інвалід доўга апранаўся, і калі нарэшце выйшаў на двор, туды ўжо забеглі ўзброеныя людзі ў масках. Яны збілі гаспадара з ног і павалілі на зямлю, ад чаго той стукнуўся галавой аб бардзюр, а потым прыціснулі яго галавой да асфальту і сціснулі горла. Па словах сям'і, пакуль ён ляжаў, яго некалькі разоў ударылі па галаве і па целе. Яго брата ўдарылі ў скронь, скруцілі, і абодвух пацягнулі ў мікрааўтобус. Па дарозе Бяслану зламалі рабро, а Аслана выпусцілі і цягнулі па зямлі.
У аддзеле паліцыі Бяслану Ірытаву стала дрэнна, і яму выклікалі «хуткую». Лекары дыягнаставалі ў яго ўдары, западозрылі пералом і запатрабавалі адправіць мужчыну ў траўмапункт. Пазней братоў адпусцілі.
У выніку бойкі ў жонкі гаспадара Марыны Ірытавай быў зламаны палец на руцэ. Іх дачку Анжаліку ў двары ўдарылі тварам аб зямлю і пашкодзілі нос. Пасля звароту сям'і ў Следчы камітэт братоў Ірытавых абвінавацілі ў нападзе на паліцэйскіх, а ў дзеяннях аператыўнікаў следчы не ўгледзеў нічога супрацьпраўнага.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары