Сенат ЗША 18 красавіка ўнёс папраўкі ў рэгламент, якія дазволяць сябрам верхняй палаты Кангрэса браць дзяцей ва ўзросце да аднаго года ў залу пасяджэнняў падчас галасавання, а таксама карміць грудзьмі падчас абмеркавання законапраектаў. Пра гэта паведаміў тэлеканал CNN.
Рэзалюцыю прынялі аднагалосна, яе аўтарам выступіла сенатар-дэмакрат ад Ілінойса Тэмі Дакуорт (Tammy Duckworth), якая не змагла прыйсці на паседжанне. 9 красавіка яна стала першым дзеючым сенатарам ЗША, у якой нарадзілася дзіця. Па правілах, дзяцей нельга было пакідаць з памочнікамі падчас галасавання, уваходзіць з імі ў залу таксама было забаронена. Дакуорт унесла ініцыятыву аб адмене гэтага правіла.
Дакуорт 50 гадоў, раней яна служыла ваенным лётчыкам. У 2004 годзе падчас вайны ў Іраку яе верталёт упаў і яна страціла абедзве нагі. У 2017 годзе яна стала першым чалавекам з абмежаванымі магчымасцямі, абраным у Сенат. Яна дапамагае ветэранам у рэабілітацыі і распрацоўвае законапраекты, якія палегчылі б жыццё для кожнай маці.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары