«Чуеш, ты, прышчавае ўбоішча»: Мінінфарм зрабіў заўвагу рэдактарцы барысаўскай раёнкі за парушэнне прафесійнай этыкі
Опусы Веры Пратасевіч ацанілі і ў Міністэрстве інфармацыі.
Барысаўскі райвыканкам за невыкананне ў дзейнасці газеты «Адзінства» і інфармацыйнага рэсурсу edinstvo.by патрабаванняў закона Рэспублікі Беларусь «Аб сродках масавай інфармацыі» рэдактару дзяржаўнай установы «Рэдакцыя газеты «Адзінства» Веры Пратасевіч 7 мая 2018 года зрабіў заўвагу.
Ёй таксама ўказана на неабходнасць захавання нормаў прафесійнай этыкі журналіста і беларускага заканадаўства. Такая рэакцыя на творчасць рэдактара заснаванай Барысаўскім райвыканкамам газеты прагучала пасля таго, як Мінскі аблвыканкам звярнуў увагу старшыні райвыканкама Генадзя Дзенгалёва на нарматыўныя прававыя прадпісанні, якія змяшчаюцца ў частцы трэцяй артыкула 29 Закона аб СМІ.
У пачатку 2018 года рэдактарка «Адзінства» апублікавала некалькі тэкстаў, у якіх у негатыўным ключы ацэньвалася дзейнасць шэрагу барысаўцаў, у тым ліку тых, хто супрацоўнічае з сайтам EX-PRESS.BY. Прычым у выразах аўтар публікацый не стрымлівалася.
Факты парушэння нормаў журналісцкай этыкі рэдактарам дзяржаўнага выдання не выклікалі сумневы нават у органаў улады.
На іх адрэагавалі і ў Міністэрстве інфармацыі, куды Пратасевіч была спецыяльна запрошаная з гэтай нагоды. У Міністэрстве ёй строга ўказалі на недапушчальнасць размяшчэння ў СМІ і на інфармацыйным рэсурсе падобных матэрыялаў, а таксама на неабходнасць аператыўнага рэагавання на заўвагі і прапановы, якія паступаюць у рэдакцыю.
Вядома, заўвага — гэта не вымова, і ўжо тым больш не адхіленне ад пасады. Тым не менш, дзейнасць Веры Пратасевіч стварыла цікавы прэцэдэнт, вельмі нехарактэрны для нашых дзён.
Опусы рэдактара, у якіх даецца негатыўная ацэнка дзейнасці шэрагу барысаўчан, ужо зніклі з сайта дзяржаўнай газеты, а вось з газетных палос іх не прыбярэш. І гэта, у прынцыпе, пакідае рэальнай судовую перспектыву.
-
Пахаваць законна свайго хатняга любімца ў Беларусі можна толькі ў жывёльны могільнік. Парушэнне закону выглядае больш маральна прымальным для многіх
-
Калеснікава: Вайна, якую пачала Расія, не проста супраць Украіны. Гэта вайна супраць еўрапейскіх каштоўнасцяў
-
Што цяпер з італьянскімі візамі? Масавыя адмовы? Турфірмы называюць альтэрнатыву
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары