Першая рэклама сродкаў для галення, дзе дэманструюцца сапраўдныя валасы на жаночым целе, выклікала ў інтэрнаўтаў гаму эмоцый
Амерыканская гандлёвая марка Billie, якая пазіцыянуе сябе як фемінісцкая, нядаўна выпусціла новую рэкламу сродкаў для галення. Унікальнасць яе ў тым, што ўпершыню там дэманструюцца не ідэальныя жаночыя ногі, а як ёсць у жыцці: з пышным валасяным покрывам.
Заснавальнік кампаніі Джордж Гулі ў інтэрв'ю парталу MIC распавёў, што для іх важна было пазбавіцца ад клішэ, што існуюць у рэкламе, і паказаць цела жанчын такім, якім яно ёсць, не надумана ідэальным.
Ён адзначыў: «Частка нашай кампаніі заключаецца ў тым, каб сказаць, што гэта нармальна, калі ў жанчыны на целе ёсць валасы, гэта яе выбар. Мне падабаецца галенне, гэта мой выбар, але я не хачу, каб хто-небудзь казаў, што мне трэба галіцца толькі таму, што я жанчына».
Карыстальнікі інтэрнэта, у сваю чаргу, успрынялі ролік неадназначна. Нехта ўхваляў ідэю кампаніі, але знайшлiся і тыя, хто казаў: «Давайце яшчэ выкарыстанне туалетнай паперы пакажам на ўвесь экран».
Дадамо, што не так даўно з'явілася першая рэклама пракладак з сапраўднай крывёю. Жаночая частка грамадскасці прызнае такія маркетынгавыя хады прагрэсіўнымі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары