Навукоўцы абвясцілі, што ўпершыню знайшлі доказы наяўнасці на Марсе вады — у вадкім стане. Возера памерам каля 20 кіламетраў знаходзіцца ля паўднёвага полюса планеты і схавана пад тоўстай ледзяной шапкай.
Раней даследчыкі меркавалі, што па паверхні Марса можа часам ненадоўга разлівацца вада з ледавікоў, якія расталі (з улікам нізкага ціску вада павінна вельмі хутка выпарвацца), аднак упершыню з'явіліся падставы меркаваць, што на Чырвонай планеце існуе і пастаянны вадкі водны рэзервуар.
Марсаход НАСА раней знаходзіў на паверхні планеты толькі сухія азёры, давёўшы, што ў мінулым вада на Марсе была.
Аднак з тых часоў тэмпература на планеце значна панізілася з-за вельмі разрэджанай атмасферы — і вялікая частка вады ператварылася ў лёд.
«Магчыма, гэта не вельмі вялікае возера», — кажа кіраўнік даследавання, прафесар Італьянскага нацыянальнага інстытута астрафізікі Раберта Арасеі.
Хоць само існаванне воднага рэзервуара цікавіць людзей, што вераць у магчымасць існавання на Марсе жыцця — хай нават у мінулым, — характарыстыкі возера яшчэ трэба пацвердзіць далейшымі даследаваннямі.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна10
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары