Загадчыца крамы Duty Free у Гродзенскай вобласці падазраецца ў прысваенні 15 тысяч еўра, паведамляе УУС Гродзенскага аблвыканкама.
Злачынную схему, па інфармацыі міліцыі, стварылі з дапамогай дысконтнай сістэмы, якую ўвялі ў краме ў 2014 годзе. Калі ў кліента не было дысконтнай карты, то прадавец браў картку, аформленую на выдуманага чалавека, і непрыкметна праводзіў праз тэрмінал. Пасля чаго пакупніку давалі рэшту без зніжкі, а розніца затым канфіскоўвалася з касы. У канцы працоўнага дня «чорная» выручка перадавалася загадчыцы крамы.
Паводле папярэдніх падлікаў, сума даходу вар'іравалася ад 15 да 20 еўра ў дзень. За чатыры гады загадчыца атрымала 15 тысяч еўра, распавялі ва УУС.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары