Кіраўнік Нацбанка наведаў родную школу і падарыў факсіміле кніжнай спадчыны Скарыны ФОТЫ
Старшыня Праўлення Нацыянальнага банка Беларусі Павел Калаўр Дзень ведаў правёў на сваёй малой радзіме ў аграгарадку Белавуша Столінскага раёна Брэсцкай вобласці. Ён сустрэўся з вучнямі і настаўнікамі мясцовай сярэдняй школы, якую скончыў сам амаль сорак гадоў таму, паведамляе прэс-служба банка.
Кіраўнік Нацыянальнага банка падарыў роднай школе ўнікальнае факсімільнае выданне «Кніжная спадчына Францыска Скарыны», выпушчанае летась і прысвечанае 500-годдзю беларускага кнігадрукавання.
Шматтомнае факсімільнае выданне «Кніжная спадчына Францыска Скарыны» ўяўляе сабой поўны збор кніг, якія былі надрукаваныя Скарынам у Празе (1517-1519) і Вільні (1522-1525).
У яго аснове — электронныя копіі выданняў першадрукара, што захоўваюцца ў бібліятэках і музеях Беларусі, Нямеччыны, Расіі, Украіны і іншых краін. Навуковы выдавецкі праект быў рэалізаваны Нацыянальнай бібліятэкай Беларусі і Банкам БелВЭБ да 500-годдзя беларускага і ўсходнеславянскага кнігадрукавання. Аўтарамі ідэі выступілі Банк БелВЭБ, які ўзначальваў на той момант Павел Калаўр, і кіраўнік Нацыянальнай бібліятэкі Беларусі Раман Матульскі. Сёння «Кніжную спадчыну Францішка Скарыны» можна ўбачыць у Бібліятэцы ААН, Каралеўскай бібліятэцы Бельгіі, Нацыянальнай бібліятэцы Венгрыі, найбуйнейшых бібліятэках нашай краіны.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву3
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары