Уладальнік «Чэлсі» Раман Абрамовіч можа прадаць клуб. Як паведаміла Bloomberg крыніца, знаёмая з сітуацыяй, расійскі мільярдэр гатовы прадаць каманду за 3 мільярды фунтаў, піша Tribuna.com.
Раней Абрамовіч адхіліў прапанову найбагацейшага чалавека Вялікабрытаніі Джыма Рэткліфа, які прапаноўваў за клуб 2,3 мільярда фунтаў.
Улетку ў брытанскай прэсе з'явілася інфармацыя, што Абрамовіч наняў інвестыцыйны банк для разгляду пытання продажу «Чэлсі». У клубе інфармацыю абверглі.
Бізнэсмэн купіў «Чэлсі» ў 2003 годзе за 140 млн фунтаў. За гэты час клуб выйграў пяць чэмпіянатаў, пяць Кубкаў і два Суперкубкі Англіі, тры Кубкі лігі, Лігу чэмпіёнаў і Лігу Еўропы.
Нагадаем, што «Чэлсі» з'яўляецца супернікам БАТЭ ў Лізе Еўропы.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары