Авіякампанія «Белавія» абвясціла акцыю на рэйсы ў сталіцу Індыі Дэлі — зніжкі да 40 %. Прапанова дзейнічае пры куплі квіткоў 8 і 9 красавіка.
Здымак ілюстрацыйны. Фота: freepik.com
Калі набыць білет па тарыфе «Прома», кошт пералёту Мінск — Дэлі — Мінск будзе пачынацца прыкладна ад 1208 рублёў.
Зніжка распаўсюджваецца як на вылеты з Мінска, так і з Дэлі. Скарыстацца такімі квіткамі можна да 27 чэрвеня ўключна.
Аднак ёсць важныя ўмовы:
- зніжкі не дзейнічаюць для дзяцей ад 2 да 12 гадоў;
- максімальны тэрмін знаходжання ў Дэлі — да аднаго месяца;
- неабходна строга выконваць увесь маршрут. Калі не выкарыстаць першы сегмент (напрыклад, не паляцець з Мінска), астатнія пералёты аўтаматычна анулююцца, і грошы не вяртаюцца.
Таксама перад паездкай трэба ўлічыць правілы ўезду ў Індыю: неабходна загадзя, за 72 гадзіны, запоўніць электронную карту прыбыцця.
Цяпер чытаюць
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры6
Каментары