Расія ўводзіць забарону на экспарт светлых і цёмных нафтапрадуктаў, а таксама звадкаванага вуглевадароднага газу ў Беларусь з лістапада 2018 года да канца 2019 года, сказаў міністр энергетыкі Расіі Аляксандр Новак у чацвер журналістам, паведамляе Reuters.
Пратакол, падпісаны паміж Расіяй і Беларуссю, прадугледжвае забарону на пастаўкі нафтапрадуктаў — цёмных нафтапрадуктаў, дызельнага паліва, сказаў ён.
«Ён таксама прадугледжвае часткова пастаўкі пэўных нафтапрадуктаў, якія не вырабляюцца ў Беларусі і якія з пункту гледжання ўнутранага спажывання ім неабходныя. Гэта асобны пералік да пратакола, вялікі пералік — лакафарбавыя вырабы, хімічная прадукцыя, гэта значыць прадукцыя нафтахімічных заводаў», — сказаў Новак.
Па аўтабензіне, дызпаліву, мазуце ў індыкатыўным балансе прадугледжаны нулявыя паказчыкі, дадаў ён.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары