Кіраўнік БРСМ параўнаў факты пра рэпрэсіі НКВД супраць беларускай інтэлігенцыі з праграмамі Рэн-ТВ
Гарачая дыскусія разгарэлася ў суполцы БРСМ Укантакце. Некаторыя карыстальнікі сацыяльнай сеткі пацікавіліся, ці будзе БРСМ на гадавіну расстрэлу НКВД беларускай інтэлігенцыі арганізоўваць якое-небудзь асветніцкае маладзёжнае мерапрыемства.
Уступіў у дыскусію і кіраўнік моладзевай арганізацыі Дзмітрый Варанюк. Ён напісаў наступнае:
— Давайце да сутнасці. Вы гісторык? Прафесар? Маеце навуковыя публікацыі? Калі так, буду рады азнаёміцца. І тады прывесці таксама гістарычныя факты. Кідацца ж фактамі ў стылі праграм Рэн-ТВ пра расстрэлы мне не хочацца. Для нас, для Саюза моладзі 29 — святочная дата і мы правядзем яе з карысцю [дзень стварэння ВЛКСМ — рэд.]. Пагутарым з годнымі людзьмі, якія будавалі нашу краіну. Папрацуем над навакольным добраўпарадкаваннем і скажам дзякуй ветэранам. Усё. Будуць пытанні яшчэ — пішыце ў прыват, не засмечвайце трызненнем.
Нагадаем, у ноч з 29 на 30 кастрычніка 1937 года савецкія спецслужбы расстралялі больш за сто прадстаўнікоў беларускай інтэлігенцыі — літаратараў, навукоўцаў, дзяржаўных дзеячаў. Сярод знішчаных— такія творцы, як Міхась Чарот, Алесь Дудар, Міхась Зарэцкі, Платон Галавач, Юлі Таўбін, Анатоль Вольны, Тодар Кляшторны, Юрка Лявонны, Валер Маракоў і многія іншыя.
Таксама 29 кастрычніка, але ў 1918 годзе, быў створаны ВЛКСМ. Юбілей яго стварэння збіраецца святкаваць БРСМ.
Дапоўнена: Дзмітрый Варанюк апублікаваў на сваёй старонцы выбачэнні людзям, лёс якіх закранулі падзеі масавых расстрэлаў на тэрыторыі Беларусі, каго маглі абразіць яго словы пра РЭН-ТВ.
Чытайце таксама: Пра бюджэт, мэты арганізацыі і Малады фронт: вялікая гутарка з новым кіраўніком БРСМ
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары