У мінскіх кінатэатрах будуць праводзіць курсы англійскай мовы і трансляваць футбол
У пачатку 2019 года ў мінскіх кінатэатрах Silver Screen будуць праводзіць курсы англійскай мовы з паказам фільмаў на мове арыгіналу. А яшчэ паказваць спартыўныя трансляцыі, серыялы, тэатральныя пастаноўкі і канцэрты.
«Паступова кінатэатры ператворацца ў паўнавартасныя забаўляльныя цэнтры для ўсёй сям'і, дзе можна праводзіць час цэлы дзень. Мы нават правядзём чэмпіянат па гульнях у VR-акулярах», — абяцае Алег Тронік, камерцыйны дырэктар сеткі кінатэатраў Silver Screen cinemas.
Анансаваныя новаўвядзенні — адзін з крокаў па калабарацыі сеткі кінатэатраў і відэасэрвіса Voka ад мабільнага аператара velcom.
Першая навінка запрацуе ўжо ад пачатку снежня. Тыя, хто прыйдуць паглядзець кіно, атрымаюць «Адзіны квіток» — у якасці бонуса ім падораць доступ да сэрвісу Voka+Megogo на адзін месяц.
«Мы хочам сцерці мяжу паміж анлайн і афлайнавымі забавамі. Каб чалавек мог за адзін клік атрымаць доступ да ўсяго відэакантэнту, і пры гэтым выбраць, дзе, калі і на якім экране яму гэта глядзець. Такое супрацоўніцтва прапануе гледачу зусім новы фармат баўлення часу, у якім разнастайнасць анлайн-кантэнту дапоўнена відовішчнасцю сучаснай кіназалы», — распавядае Антон Бладзік, намеснік генеральнага дырэктара па лічбавых платформах і кантэнце velcom.
Ён адзначае, што ў анлайн-базе будуць навінкі 2018 года, фільмы-лаўрэаты «Оскар», аўтарскае кіно, якое не трапіла ў шырокі пракат у Беларусі, дакументальныя карціны, канцэрты, спартыўныя трансляцыі, спектаклі, а таксама фільмы на беларускай мове і мове арыгіналу — для тых, хто хацеў бы вучыцца анлайн.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары