Беларусь бачыць магчымасць для больш хуткага падпісання ключавых дакументаў з Еўрапейскім саюзам.
Пра гэта заявіў сёння журналістам міністр замежных спраў Беларусі Уладзімір Макей па выніках нарады ў кіраўніка дзяржавы, піша БелТА.
«Мы бачым магчымасць хуткага завяршэння працы над гэтымі дакументамі, але нашы партнёры таксама павінны трошкі паварушыцца ў гэтым плане і праявіць гатоўнасць да іх падпісання, — сказаў Уладзімір Макей. — Гэтыя дакументы, з нашага пункту гледжання, можна было б падпісаць хоць заўтра. Але, на жаль, так атрымліваецца, што з-за пазіцыі адной краіны Еўрасаюз становіцца закладнікам палітыкі гэтай краіны. Бо адна краіна пераносіць нейкія праблемныя нюансы ў двухбаковых адносінах на ўсю палітыку Еўрасаюза».
У прыватнасці, тармазіцца падпісанне сумесных прыярытэтаў партнёрства паміж Беларуссю і Еўрапейскім саюзам да 2020 года. «Там ёсць непрымальныя для нас на дадзеным этапе патрабаванні. Але мы нават і не атрымалі афіцыйнага адказу з Еўрапейскага саюза на нашы прапановы», — адзначыў міністр.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары