У мінулую суботу, увечары, на станцыю хуткай і неадкладнай медыцынскай дапамогі паступіў званок з вёскі Кавалі Ваверскага сельсавета Лідскага раёна.
Жанчына паведамляла, што падчас ежы мужчына папярхнуўся і перастаў дыхаць. На выклік адправілася брыгада медыкаў. На жаль, да іх прыезду 32-гадовы мясцовы жыхар ужо не падаваў прыкмет жыцця. Была канстатавана біялагічная смерць пацыента.
Ад таго, што за ежай можна папярхнуцца, ніхто не застрахаваны. Таму рэдакцыя «Лiдскай газеты» звярнулася да загадчыцы станцыяй хуткай і неадкладнай медыцынскай дапамогі Ганны Сыманюк з просьбай даць параду, як паводзіць сябе ў такіх выпадках.
— Калі чалавек падавіўся ежай, наступаюць прыкметы ўдушша, не хапае паветра, яму неабходна тэрмінова аказаць першую дапамогу, — кажа Ганна Сцяпанаўна. — Раней лічылася, што трэба пастукаць пацярпеламу па спіне. Аднак гэта не прынясе належнага эфекту. Варта стаць ззаду пацярпелага, абхапіць яго рукамі, сашчапіўшы іх у замок пад рэбернай дугой, і моцна націснуць на жывот. Рух паўтарыць некалькі разоў, пакуль не вызваляцца дыхальныя шляхі чалавека. Калі пацярпелы страціў прытомнасць, неабходна пакласці яго на бок і таксама абедзвюма рукамі, абхапіўшы ззаду, націскаць пад рэбернай дугой.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары