Інфармацыя, што 12-ці і 15-гадовая школьніцы, магчыма, церпяць ад сэксуальнага гвалту, паступіла ў міліцыю ад дырэктара школы. Яна паведаміла, што падазрэнні ўзніклі пасля анкетавання вучняў, паведамляе прэс-служба міліцыі
Далей псіхолаг паразмаўляла з адной з дзяўчынак, якая пацвердзіла, што на працягу двух гадоў бацька рэгулярнага здзяйсняў з ёй і яе малодшай сястрой як палавыя акты, так і іншыя дзеянні сэксуальнага характару. Супрацоўнікі па супрацьдзеянні гандлю людзьмі адрэагавалі аператыўна. Мужчына быў затрыманы.
Спачатку ён усё адмаўляў, аднак яго жонка распавяла: каля двух гадоў таму муж згадваў, што браў за палавыя органы іх старэйшую дачку і атрымліваў ад гэтага сэксуальнае задавальненне. Разумеючы, што прытварацца бессэнсоўна, мужчына прызнаўся ў злачынстве. Пацвердзіў: неаднаразова ўступаў у інтымныя адносіны з дзецьмі. Гэта адбывалася дома і ў лесе пад Мінскам.
Па словах мінчука, маці дзяўчынак ведала пра ўсё, а не толькі пра выпадак двухгадовай даўніны, але прадпрымаць нейкія дзеянні і паведамляць у праваахоўныя органы не збіралася. Больш за тое, яна дапамагала мужу здымаць парнаграфічнае відэа з удзелам дачок.
Жанчына была катэгарычна супраць затрымання мужа і наракала, што не будзе каму выконваць сельскагаспадарчыя работы на дачы.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная8
Каментары