Таджыкскія чыноўнікі абгрунтавалі павышэнне цэн на інтэрнэт клопатам пра здароўе насельніцтва
Улады Таджыкістана ўдвая павысілі тарыфы на сотавую сувязь і мабільны інтэрнэт, занепакоіўшыся здароўем грамадзян. Пра гэта парталу ASIA-Plus заявіў намеснік старшыні Службы сувязі краіны Ілхом Атоеў.
«З павышэннем цэн на інтэрнэт людзі будуць правільна карыстацца ім. Менш будуць гуляць і псаваць свой зрок, будуць берагчы сваё здароўе(…). Звярніце ўвагу на моладзь — галовы апушчаныя, заўсёды сядзяць у інтэрнэце», — сказаў Атоеў.
Чыноўнік таксама выказаў надзею, што людзі пачнуць чытаць кнігі і мець зносіны адзін з адным.
Новыя тарыфы на сотавую сувязь і мабільны інтэрнэт у Таджыкістане пачалі дзейнічаць з 18 красавіка. Цэны выраслі амаль удвая: калі раней за 1 гігабайт карыстальнік плаціў 30-35 самоні (3,5 даляра), то цяпер кошт таго ж аб'ёму інтэрнэта дасягае 63 самоні (6,7 даляра).
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары