Кампанія New Image Marketing Group атрымала першыя дадзеныя апытанняў на выхадзе з выбарчых участкаў на Украіне, паведамляе агенцтва «РІА Навіны».
Паводле першых дадзеных на 12:00, Уладзімір Зяленскі набірае 71,8% галасоў выбаршчыкаў, а дзеючы кіраўнік дзяржавы Пятро Парашэнка 28,2% галасоў.
Паводле інфармацыі NIMG, на поўдні Украіны за Зяленскага прагаласавалі 73,4% грамадзян, за Парашэнку — 26,6%; на ўсходзе - 88,8% і 11,2% адпаведна; на захадзе — 55,6% і 44,4%, у цэнтральнай частцы — 72,9% і 27,1%.
На сваім сайце кампанія анансавала, але не апублікавала вынікі апытанняў на выхадзе з выбарчых участкаў, бо ва Украіне дзейнічае эмбарга на іх публікацыю да 20:00. Аднак патрабаванне не распаўсюджваецца на іншыя краіны. Прыведзеныя дадзеныя экзітполаў РІА Навіны атрымала за межамі краіны.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная18
Каментары