У амерыканскім штаце Агаё васьмігадовы хлопчык здолеў выратавацца са скрадзенай машыны і дапамог уцячы сястры. Пра гэта паведамляе выданне New York Post.
Інцыдэнт адбыўся ў чацвер, 25 красавіка. Ніта Кобарн адвезла дачку, што раптоўна адчула сябе блага, у бальніцу, а ўнукаў - васьмігадовага Чанса і дзесяцігадовую Скайлер пакінула на заднім сядзенні. У спешцы жанчына забылася ключы ў аўтамабілі.
Гэта заўважыў 24-гадовы Дэлвір Сінгх. Ён заскочыў на крэсла кіроўцы і націснуў на педаль газу. Кобарн кінулася за аўтамабілем і паспрабавала адкрыць пярэднія дзверы, але згоншчык адштурхнуў жанчыну. Тая паспела заўважыць, што Сінгх утрымлівае яе ўнучку.
Пакуль кіроўца адцягнуў увагу на бабулю, Чанс адбіў у яго сястру і выскачыў з ёй праз дзверы. Дзеці адразу кінуліся да Кобарн.
Сведкі здарэння выклікалі паліцыю, і Сінгха арыштавалі праз некалькі кварталаў ад месца інцыдэнту. Яму прад'явілі абвінавачванні ва ўгоне аўтамабіля, выкраданні дзяцей і нападзе.
«Чанс павёў сябе як сапраўдны герой. Яго ўчынак паказаў, які ён смелы і як любіць сястру», — адзначыў паліцэйскі Конар Кірбі.
-
«Мы хацелі стварыць вайб «Хлопчык, гарэлачкі мне прынясі!» У Мінску пачала працаваць «Жаночая піўная» — афіцыянты там адны мужчыны
-
Муж былой кіраўніцы Міністэрства ўнутранай бяспекі ЗША любіць адзяваць жаночае і бамбічныя накладныя грудзі
-
Беларуска Аляксандра Борціч, якая здымаецца ў Расіі, змяніла акцёрскую прафесію
Цяпер чытаюць
Лукашэнка выказаўся пра дэфіцыт медыкаў і прапанаваў ім працаваць больш4
Каментары