Паліцыя Краснадарскага краю пачала праверку пасля з'яўлення ў інтэрнэце відэа, на якім жанчына здзекуецца з хлопчыка і на вачах у іншых дзяцей і дарослых прымушае яго ўстаць на калені і цалаваць зямлю.
Гаворка ідзе пра дзіцячы садок «Зорачка» ў Краснадары, а сам інцыдэнт адбыўся ў аўторак, 30 красавіка.
Паводле Telegram-канала Baza, хлопчыка прыніжала загадчыца садка, «дасведчаны педагог, якая нават трапіла ў рэйтынг выкладчыкаў Краснадарскага краю». Паводле яе слоў, дзіця складанае, яму пяць гадоў, яго сям'я пераехала ў горад з адной з паўднёвых рэспублік, і ён адразу пачаў крыўдзіць іншых дзяцей.
На відэа жанчына ў дзіцячым садзе крычыць на маленькага хлопчыка і ставіць яго на калені. Затым яна прыціскае яго галаву да зямлі і прымушае цалаваць яе за тое, што ён нібыта сказаў, што ненавідзіць рускіх і Расію. «Цалуй зямлю, пачвара. Тую, якая цябе корміць і поіць», — кажа яна дзіцяці. Пасля гэтага жанчына разважае аб маральнасці, выхаванні і нацыяналізме.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары