Сярэдні ўзрост уступлення ў шлюб дасягнуў у Беларусі гістарычнага максімуму
Сярэдні ўзрост уступлення ў першы шлюб у Беларусі працягвае расці. Цяпер ён складае 28 гадоў для мужчын, 26 — для жанчын. Такія звесткі дае Белстат.
Пры канцы існавання БССР гэтыя лічбы складалі, адпаведна, 22 і 20 гадоў і тры апошнія дзесяцігоддзі ўвесь час уздымаліся.
Цікава параўнаць з аналагічнымі паказчыкамі ў Злучаных Штатах Амерыкі. Там сітуацыя супастаўная: 29 і 27 гадоў адпаведна.
Прыкладна кожная другая сям'я ў Беларусі цяпер распадаецца. Доля разводаў дасягнула свайго гістарычнага піку.
У ЗША назіраецца амаль тое самае. Распадаецца прыкладна 50% шлюбаў.
Агулам, колькасць шлюбаў скарачаецца. Сацыёлагі тлумачаць гэта тым, што людзі сталі адказней ставіцца да стварэння сям'і: адкладаюць гэты момант, каб застрахаваць сябе ад памылкі.
Амерыканская статыстыка фіксуе ў апошнія гады зніжэнне долі разводаў сярод маладых сем'яў. Праўда, пры гэтым расце колькасць разводаў у парах, старэйшых за 65 гадоў.
Што да жыцця разам да шлюбу, то ў ЗША пра такое заявілі 70% апытаных пар. Яшчэ ў 1970-я такіх было толькі 40%.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары