У Нарвегіі 48% аўтарынку захапілі электракары. Гэта значыць амаль кожны другі прададзены аўтамабіль — электрычны. Пра гэта гаворыцца ў паведамленні iXBT.
Найбольш папулярнай маркай сярод нарвежцаў стала Tesla. Амерыканскай кампаніі належыць 24,5% продажаў аўто за чэрвень, а гэта — 3,7 тысячы. З пачатку года кампанія прадала 12,6 тысячы машын, заняўшы 16,1% рынку.
На другім месцы замацаваліся машыны Volkswagen, якіх за чэрвень было прададзена 1,8 тысячы. Марка адхапіла амаль 12% рынку за першы летні месяц, а з пачатку года яна прадала 10,2 тысячы аўто (13% ад агульных продажаў).
Трэцяе месца захапілі машыны японскай маркі Toyota — 1,7 тысячы аўто за чэрвень (11,4%) і 7,9 тысячы з пачатку года (10.1% рынка).
Больш падрабязна з продажамі аўтамабіляў у Нарвегіі азнаёмцеся ў табліцы.
У паведамленні не называецца, колькі электрычных і гібрыдных аўто прадалі іншыя маркі, якія маюць у сваім арсенале яшчэ і машыны на паліве.
Варта адзначыць, што цяпер паказчык продажаў электракараў у Нарвегіі недасяжны для любой іншай краіны свету і тут не збіраюцца спыняцца на цяперашніх выніках. Так, ужо з 2025 года ў краіне разлічваюць, што ўсе новыя машыны будуць выключна электрычнымі.
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі9
Каментары