«Тэль-Авіў сваімі дзеяннямі дыскрэдытуе»: пасла Ізраіля выклікалі ў МЗС Беларусі
Пра гэта паведамляе Міністэрства замежных спраў у сваім фэйсбуку.
«Толькі за няпоўныя два тыдні гэтага месяца 18 грамадзянам Беларусі на мяжы было адмоўлена ва ўездзе ў Ізраіль. 7 кастрычніка ў аэрапорце Тэль-Авіва ізраільскія міграцыйныя ўлады «завярнулі» адразу 11 беларусаў, якія прыбылі рэйсам Belavia — Belarusian Airlines».
«Нашы грамадзяне, якія накіроўваліся на адпачынак, на сустрэчы з роднымі, блізкімі і сябрамі, у чаканні магчымасці паляцець назад на радзіму па некалькі сутак знаходзяцца ў цэнтрах часовага ўтрымання.
Сярод вядомых нам прычын адмовы ва ўездзе няма ніводнага фактычнага парушэння», — зазначаецца ў паведамленні.
МЗС падкрэслівае, што Беларусь актыўна падтрымлівае міжнародныя намаганні па барацьбе з нелегальнай міграцыяй, паважае суверэннае права дзяржаў матывавана абмяжоўваць ўезд на сваю тэрыторыю. Але гэтая сітуацыя беспрэцэдэнтная.
Беларусь не з'яўляецца донарам нелегальнай міграцыі. Мы займаем першае месца ў свеце па колькасці выдадзеных шэнгенскіх візаў на душу насельніцтва з самым нізкім узроўнем адмоў, што сведчыць пра законапаслухмянасць нашых грамадзян. І такіх праблем не ўзнікае ў Рэспублікі Беларусь ні з адной іншай краінай свету.
У гэтай сувязі сёння ў МЗС быў выкліканы пасол Ізраіля ў Беларусі, якому быў заяўлены пратэст.
Мы ішлі на заключэнне Пагаднення аб бязвізавых паездках з Ізраілем, каб палегчыць і спрасціць узаемныя кантакты грамадзян нашых краін. Аднак ізраільскі бок сваімі дзеяннямі дыскрэдытуе ўвесь гэты працэс. Практыка адмоваў ва ўездзе беларускім грамадзянам пачынае набываць масавы характар і для нас з'яўляецца прынцыпова непрымальнай.
Мы настроены на працяг дыялогу і пошук варыянтаў вырашэння праблемы пры абавязковым уліку інтарэсаў адзін аднаго. Пэўнае разуменне сёння было дасягнута, адзначае МЗС
«Разам з тым, пакуль ідзе дыялог, хацелі б зноў звярнуць увагу Міністэрства спорту і турызму Рэспублікі Беларусь, РСТА, турыстычных кампаній, аператараў і грамадзян Беларусі на рэкамендацыі МЗС ад 18 лiпеня 2019 годзе для тых, хто плануе паездку ў Ізраіль», — рэзюмуе замежнапалітычнае ведамства.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары