Работнікі аўтапарка выкапалі ў лесе больш за 280 соснаў — хацелі азеляніць працоўнае месца. Цяпер заплацяць штраф
У тэлеграм-канале Nexta з'явілася інфармацыя пра тое, што ў адным з лясоў Мінскага раёна супрацоўнікі аўтапарка №5 Мінска выкапалі дрэвы, каб пасадзіць іх у аўтапарку. У Мінпрыроды TUT.BY пацвердзілі: аўтапарк ці яго работнікі будуць прыцягнутыя да адказнасці.
Інцыдэнт адбыўся ў панядзелак, 21 кастрычніка, у адным з лясоў побач з Заслаўем.
Выкапалі 282 сасны на тэрыторыі дзяржаўнага ляснога фонду. Гэтае правапарушэнне было здзейснена работнікамі аўтапарка №5 Мінска.
На месцы інцыдэнту былі два работнікі аўтапарка і кіроўца. Пазней для высвятлення сітуацыі ў лес прыбыў яшчэ і галоўны інжынер. На пытанне, навошта ім столькі соснаў, парушальнікі адказалі, што збіраліся азеляніць тэрыторыю свайго аўтапарка.
Па гэтым факце распачаты адміністрацыйны працэс, позва ў аўтапарк ужо накіравана.
У сераду, 23 кастрычніка, гэтую справу будзе разглядаць Мінская раённая інспекцыя. Пытанне пра тое, каго менавіта прыцягнуць да адказнасці — «фізічную асобу, службовую або юрыдычную» — пакуль што адкрытае. Гэта вырашыцца заўтра.
Для фізічных асоб за гэтае правапарушэнне прадугледжана адказнасць ад 5 да 50 базавых велічынь. Для юрыдычных — ад 50 да 300 базавых. Акрамя таго, парушальнікам прыйдзецца аплаціць штраф за шкоду прыродзе, а гэта паводле папярэдніх падлікаў 2876 рублёў 40 капеек.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?1
Каментары