Аўтамабіль перакуліўся на прамой дарозе: п’яны кіроўца не траўмаваўся, а пасажыр загінуў
27 кастрычніка, раніцай у Астравецкім раёне адбылося ДТЗ. У выніку загінуў пасажыр легкавога аўтамабіля, а кіроўца не траўмаваўся.
Напярэдадні кампанія мужчын піла спіртныя напоі ў горадзе Астравец. Пасля распівання селі ў аўтамабіль і павезлі знаёмага ў суседні пасёлак Гудагай, знаходзячыся пры гэтым у стане ап’янення.
Каля 5-й раніцы ўжо ўдваіх вярталіся назад у горад па аўтадарозе Р-48. 39-гадовы кіроўца на прамым участку дарогі не справіўся з кіраваннем, з’ехаў у левы па ходзе руху кювет і перакуліўся.
У салоне знаходзіўся 31-гадовы пасажыр, які памёр на месцы.
Кіроўца ад шпіталізацыі адмовіўся, бо сур’ёзных траўмаў не атрымаў. Дарэчы, мужчыны не былі прышпіленыя рамянямі бяспекі, а кіроўца яшчэ і кіраваў аўтамабілем у стане ап’янення.
Па факце ДТЗ распачатая крымінальная справа.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай36
Каментары