Студэнты з Туркменістана знайшлі ў банкамаце чужую картачку. І тут пачалося!
Выпадак апісвае сталічная міліцыя.
Мінчанка забылася ў банкамаце картачку. Праз нейкі час з яе прапала 80 рублёў. Жанчына звярнулася ў міліцыю.
У выніку было ўстаноўлена, што грошы знялі двое студэнтаў з Турменістана — 23-гадовы малады чалавек і яго 21-гадовая дзяўчына. Яны прыехалі ў Беларусь вучыцца.
Картачку ў банкамаце яны выявілі, калі спрабавалі зняць грошы са сваёй карты. Аднак, убачыўшы, што побач з імі нікога няма — вырашылі прысвоіць яе сабе.
У выніку пара набыла: 13 жэтонаў для праезду ў метрапалітэне, прадукты, навушнікі, чахол, а таксама абед у адным з рэстаранаў хуткага харчавання. Каб выкарыстоўваць карту без пін-кода, пакупкі здзяйсняліся на суму, якая не перавышае 20 рублёў.
Дзеянні фігурантаў могуць быць кваліфікаваныя па ч. 2 арт. 212 КК (Крадзеж шляхам выкарыстання камп'ютарнай тэхнікі). Санкцыя гэтай часткі артыкула прадугледжвае максімальнае пакаранне ў выглядзе пазбаўлення волі тэрмінам да 5 гадоў.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары