Кампаніі Літвы гатовыя прапанаваць Беларусі скарыстацца магчымасцямі сваёй інфраструктуры для забеспячэння сырой нафтай, яны маглі б перавозіць да 3 млн тон сыравіны ў год. Пра гэта ў пятніцу заявіў журналістам кіраўнік прадпрыемства па грузаперавозках LG Cargo дзяржкампаніі Lietuvos geležinkeliai («Літоўская чыгунка») Эгідыюс Лазаўскас, піша tass.ru.
«Тыя 18 млн тон, якія ў год для сваіх патрэб імпартуе Беларусь, мы перавезці не змаглі б. Магчымасці Літвы складаюць каля 3 млн тон», — сказаў ён.
У ланцужку прыёму нафты морам і перавозкі ў суседнюю Беларусь былі б задзейнічаныя дзяржпрадпрыемства Klaipedos nafta з тэрміналам па прыёме сыравіны і Клайпедскі марскі порт. «Мы гатовыя ўдзельнічаць у гэтым працэсе, але рашэнне трэба будзе прыняць беларускаму боку», — адзначыў Лазаўскас.
Паводле яго ацэнкі, на тое, каб запусціць праект, спатрэбіцца адзін-два тыдні. «Партнёр павінен даслаць заяўку, вагоны. Пакуль гэтага няма», — сказаў кіраўнік LG Cargo.
Сёння стала вядома, што ад 1 студзеня Расія спыніла пастаўку нафты для беларускіх нафтаперапрацоўчых заводаў.
Аляксандр Лукашэнка 31 снежня даў загад ураду забяспечыць ўжо ў найбліжэйшыя дні пастаўку нафты з альтэрнатыўных крыніц. Перш за ўсё размова ідзе аб пастаўках чыгуначным транспартам з партоў на Балтыцы.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім7
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары