Артыкул пра Яню Палякову, які выйшаў за дзень да самагубства праваабаронцы, знік з сайту «Советской Белоруссии».
6 сакавіка ў газеце адміністрацыі Лукашэнкі «Советская Белоруссия» (№42 (23186) пад рубрыкай «Злоба дня» выйшаў артыкул «Много у нас диковин, каждый чудак Бетховен!». Артыкул, вытрыманы ў жанры фельетону, распавядаў пра салігорскую праваабаронцу Яню Палякову. Аўтар артыкулу, які падпісаўся Ксенафонтам Суперфасфатавым, у паблажлівым і нават здзеклівым тоне інтэрпрэтаваў ціск на праваабаронцу з боку салігорскай міліцыі.
Як вядома, 7 сакавіка салігорская праваабаронца скончыла жыццё самагубствам.
Пасля смерці Яні Паляковай ні галоўны рэдактар газеты Павел Якубовіч, ні супрацоўнік, які падпісаўся Суперфасфатавым, не прынеслі свае прабачэнні.
9 сакавіка артыкул «Много у нас диковин, каждый чудак Бетховен!» знік са старонак сайту «Советской Белоруссии». Калі перайсці па спасылцы , на якой раней размяшчаўся артыкул, то бачны надпіс «Інфармацыя не знойдзеная».
Раней праваабаронцы заяўлялі, што дзеянні ўладаў па ціску на Яню Палякову трапляюць пад артыкул 145 КК РБ — «Давядзенне да самагубства».
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары