У Расіі медыкі пераблыталі мёртвую бабулю з жывой і пахавалі пад іншым імем
У маскоўскай бальніцы пераблыталі пажылых пацыентак, адна з іх памерла і была пахавана пад іншым імем, паведамляе тэлеграм-канал Mash.
У бальніцу даставілі 78-гадовую пенсіянерку Аляксандру Шутко, якая праз некалькі дзён памерла. Медыкі пераблыталі яе з іншай пацыенткай — Ганнай Арцёмавай — і змясцілі ў морг пад гэтым імем, пасля чаго выдалі цела родным.
Сваякі падмены не заўважылі і пахавалі жанчыну.
Пры гэтым сапраўдная Ганна Арцёмава праз некалькі дзён паправілася, і яе прывезлі дадому да ўнучкі Аляксандры Шутко, якая і заўважыла падмену.
Каментары