Памятаеце 20-гадовую назіральніцу, якую яе ж настаўнікі не пускалі ў школу? Яна затрыманая
20-гадовая назіральніца Іва Амбражэвіч сачыла за выбарамі ў школе №59 на вуліцы Лідскай у Каменнай Горцы.
«НН» рабіла пра гэта матэрыял. Дзяўчына скончыла гэтую школу, а цяпер назіраць за выбарамі яе не пускаюць уласныя настаўнікі. Увесь гэты час яна знаходзілася пад школай, каб зафіксаваць колькасць выбарцаў.
Чытайце. «Вочы апускаюць»: 20-гадовую назіральніцу не пускаюць у школу яе ж настаўнікі
У суботу, 8 жніўня, прыкладна ў 11:40 да школы пад’ехалі амапаўцы, іх было трое, расказаў «НН» іншы назіральнік Сяргей Антусевіч. Яны паведамілі Іве, што на яе напісаная заява ад кагосьці з членаў выбарчай камісіі. І дзяўчыне патрэбна праехаць з супрацоўнікамі міліцыі.
Каардынатару «Права выбару» па Мінску Змітру Салошкіну Іва паспела напісаць, што заведзеная крымінальная справа і затрыманне звязана з гэтым, але не зразумела, ці супраць Амбражэвіч і па якім артыкуле.
Бацькі дзяўчыны на гэты момант не могуць даведацца пра лёс дачкі. Тата Сяргей кажа, што ў Фрунзенскі РУУС дачка не паступала, звязацца з ёй яны не могуць.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары