«Наша Ніва» атрымала ліст-патрабаванне ад Міністэрства інфармацыі
Рэдакцыя сайта NN.by атрымала ліст ад Міністэрства інфармацыі.
Ведамства патрабуе выдаліць артыкул пра сітуацыю на ўчастку №6 у Бараўлянах — незалежны назіральнік даслаў блогеру Нехта свае падлікі колькасці выбарцаў, якія прагаласавалі датэрмінова, а таксама фотаздымак урны. Назіральнік убачыў у ёй стос укінутых бюлетэняў.
Міністэрства інфармацыі паведамляе, што падлікі назіральніка і звесткі пра ўкід бюлетэняў не адпавядаюць рэчаіснасці.
«Публікацыя падобнай інфармацыі вядзе да масавага дэзынфармавання насельніцтва і парушае канстытуцыйнае права на атрыманне поўнай, дакладнай і своечасовай інфармацыі», — гаворыцца ў лісце.
Артыкул трэба было выдаліць на працягу дзвюх гадзін.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары