Герасіменя: Гэта ўжо далёка не палітыка — тое, што цяпер адбываецца
Плыўчыха Аляксандра Герасіменя вельмі эмацыйна выступіла ўчора ў эфіры Еўрарадыё. Гэта была праграма «Пытаннечкі» Змітра Лукашука. У ёй таксама бралі ўдзел гандбольны трэнер Канстанцін Якаўлеў і валейбаліст, гулец нацыянаянальнай зборнай Артур Удрыс.
Герасіменя распавяла пра тое, што чуе папрокі з нагоды таго, што ёй не варта лезці ў палітыку. Аднак, па словах спартсменкі, тое, што адбываецца ў Беларусі, ужо зусім не палітыка:
— Наогул, я па жыцці абсалютна апалітычная. Я старалася максімальна згладжваць куты і не паглыбляцца ў палітыку. Ведаеце, цяпер ёсць людзі, якія кажуць: «Куды ты лезеш у палітыку?! Сядзі, дурніца, і маўчы! Вары баршчы, ідзі бегай і плавай».
Людзі, расплюшчыце вочы. Гэта не палітыка. Гэта ўжо далёка не палітыка, тое, што цяпер адбываецца. Вам закрываюць раты, у вас забіраюць вашыя галасы, у вас забіраюць вашу волю. Гэта ўсё тое, што нам належыць па праве з нараджэння. Мы — людзі, народжаныя свабоднымі, з правам голасу, з правам выбару. Вы дазволілі сабе закрыць рот. Чаму? Можа, вы не бачыце чагосьці?
Зміцер Лукашук папрасіў Аляксандру звярнуцца да прадстаўнікоў улады, якія маглі пачуць яе зварот падчас эфіру:
— Скажу тое, што ёсць, тое, што ўнутры. Я хацела б папрасіць пачуць ваш народ. Пачуць тых людзей, якіх вы гадавалі, якія былі з вамі і якія заўсёды аказвалі падтрымку. Калі зараз на дадзены момант людзі не згодныя, пачуйце іх, калі ласка. Пачуйце тое, што яны хочуць вам данесці, — сказала Герасіменя, стрымліваючы слёзы.
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары