Эколага Ірыну Сухій абвінавацілі ва ўдзеле ў акцыі 3 верасня. Яе нават не было ў Мінску
У кватэры яе 93-гадовай маці правялі вобшук, піша Свабода.
Дачка Ірыны расказала, што каля 13.30 6 верасьня невядомыя людзі прыйшлі ў кватэру і забралі маці «на размову». «Яна пыталася, ці браць пашпарт, зьбіраць рэчы, ёй сказалі: «Мы вас не затрымліваем, гэта проста размова», — кажа дзяўчына. — Дазволілі ёй апрануцца пры адчыненых дзьвярах».
Сухій даставілі ў Савецкае РУУС, доўгі час дзяжурны РУУС адмаўляў сям‘і, што яна там.
Празь некалькі гадзін у кватэру, дзе пражывае Ірына, прыйшлі з вобшукам. У кватэры была толькі 93-гадовая маці Ірыны Сухій.
«Бабуля ўвогуле не разумела, што адбываецца, яна ня ведала, што маму затрымалі, — кажа дачка Сухій. — Я прыйшла ўжо пад канец вобшуку, калі яны ўжо адабралі ўсё, што хацелі. Не было ані панятых, нікога. Мне паказалі дагары нагамі нейкае пасьведчаньне і паперу, дзе было напісана пра ўдзел у несанкцыянаваным масавым мерапрыемстве. Ніякіх дакумэнтаў мне не пакінулі, бо сказалі, што я ня маю на іх права, бо не была пры пачатку вобшуку».
Суд над Ірынай Сухій мае адбыцца 7 верасьня. Па зьвестках сям’і, яе абвінавачваюць ва ўдзеле ў несанкцыянаваным масавым мерапрыемстве 3 верасьня.
«Яна ў гэты вечар зьехала на хутар, шмат людзей гэта ведаюць», — кажа дачка.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары