Згарэла вясковая хата, у якой вырас камандзір АМАПа Балаба. Што адбылося?
Невялікі дом у вёсачцы пад Маладзечнам загарэўся ў ноч на 12 кастрычніка.
«У Маладзечанскую службу МНС паступіў званок пра пажар у вёсцы Гарадзілава. Калі ратавальнікі прыбылі, то ўбачылі нежылы дом, які гарэў адкрытым полымем», — паведамілі ў прэс-службе МНС па Мінскай вобласці.
У выніку ніхто не пацярпеў, але агонь знішчыў дах будынка, моцна пашкодзіў сцены і маёмасць.
Гэты дом па вуліцы 17 верасня вядомы тым, што менавіта тут вырас Дзмітрый Балаба — камандзір сталічнага АМАПа.
«Там цяпер не жывуць, а выкарыстоўваюць пад лецішча, — распавялі «Нашай Ніве» суседзі. — Сам Дзмітрый не прыязджае, домам і участкам займаецца яго стрыечная сястра, яна працуе ў калгасе эканамістам. Садзіць там нешта на гародзе, вырошчвае.
Дзмітрый ж даўно ў Гарадзілава не заязджае. Ён тут жыў, у школу хадзіў. Гадавала яго бабуля. Але пасля, як з’ехаў у Мінск, то прыязджаў усё радзей. Бабуля гадоў 10 таму памерла, дык Дзмітрый зусім перастаў прыязджаць».
Ці была гэта выпадковасць, ці дом хтосьці адмыслова падпаліў, пакуль невядома. У МНС кажуць, што прычыны пажара яшчэ высвятляюцца.
«Наша Ніва» звязалася з Дзмітрыем Балабам, але ён нават не даслухаў пытанне, адправіўшы па каментар у прэс-службу мінскай міліцыі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары